Hazrat Abdul’Rahman Bin Abi Laila Kehte Hai Hazrat Umar Radiallahu Anhu Ke Samne Eak “Mohammad” Naami Shaks Ko Dusre Ne Bura Bhala Kaha Aap Ne Bula Kar Farmaya Tumhari Waje Se Ism (Name) “Mohammad” Ko Gaali Di Ja Rahi Hai.
“Allah Ki Qasam Jab Tak May Zindah Hoon Kisi Ko Ye Naam Nahi Rakhne Dunga”
Aap Ne Isi Waqt Is Ka Naam Abdul’Rahman Rakh Diya, Phir Banu Talha Ko Paygham Bheja Jin Logao Ke Ye Naam Hai – Wo Tamam Ke Tamam Badal Do – Ittefaq Se Wo Sath Aadmi The In Ke Sar Barah Ka Naam Mohammad Tha, Mohammad Bin Talha Hazir Hue Aur Arz Kiya.
Ameer Al’Momineen “ALLAH” Ki Qasam Mera Naam Mohammad Khud Rasool’Allah Ne Rakha Tha, Is Per Hazrat Umar Radiallahu Anhu Ne Farmaya – Jao Jab Huzoor Sallallahu’Alaihi’Wa’Sallam Ne Ye Naam Rakha Hai To May Ise Nahi Badal Sakta.
(Mustand Ahmad Jild 5, Safa 250, Malumaat-e-Sahaba 101)

Har Eak Ke Sath Khush Rui Aur Khush Aqlaaqi Se Paish Aana Ye Wo Payghambarana Khaslat Hai Jis Ke Bare Me Huzoor Sallallahu’Alaihi’Wa’Sallam Ne Irshad Farmaya Ke,
Tarjuma : Yaqeenan Tum Sub Musalmaanao Me Sub Se Zyadah Mujhe Wo Shaqs Mehboob Hai Jis Ke Aqlaaq Ache Ho.
(Mishkaat Jild 2, Safa 431, Jannati Zewar 95)

Imam-e-Behkhi Ne Bahut Se Sahaba Akram Ke Asma-e-Girami Ginwaye Hai Jo Shohda’e Ouhd Ki Khuboor Ki Zyarat Ke Liye Hazir Hua Karte The – In Me 3 Khulafa-e-Rashideen Ke Alawah, Um’Al’Momineen Hazrat Um’Salma, Sayyada Al’Nisa-e-Al’Alameen Hazrat Fatima Al’Zohra,
Hazrat Saad Bin Abhi Waqqas, Hazrat Abdullah Bin Omar, Hazrat Abu Huraira, Abu Saeed Khudri Aur Digar Hazraat Ke Asma-e-Girami Hai,
Hazrat Sayyada Al Nisa Jab Tashreef Le Aate To Parda ‘Farmalete, Hazrat Saad Bin Abhi Waqqas Khud Salam Arz Karte Phir Apne Hamrahiyao Ki Taraf Mutawajjo Ho Kar Inhe Kehte “KYA TUM IS KHAUM KO SALAM ARZ NAHI KARTE JO TUMHE SALAM KA JAWAB DETE HAI”.
(Dalail Al’Nabuwah Lil Behkhi Jild 3, Safa 308-309, Seerat Al’Rasool Zia’An Nabi Sallallahu Alaihi Wa Sallam, Jild 3, Safa 555, 556)

Hazrat Jaber Radiallahu Anhu Se Marwi Hai, Jumah Ke Din Rasool’Allah Sallallahu’Alaihi’Wa’Sallam Mimbar Per Jalwah Afroz Hue Aur Farmaya “اجلسوا” (Baith Jao),
Hazrat Abdullah Bin Masood Radiallahu Anhu Ne Ye Alfaaz Sunte To Wo Masjid Ke Darwazeh Per Hi Baith Gaye, Aap Sallallahu’Alaihi’Wa’Sallam Ne Dekh Liya Aur Farmaya,
Aye Abdullah Bin Masood Aage Aajao. —- SUBHAN’ALLAH
(Abu Dawood, Kitaab Al’Salawat, Malumaat-e-Sahaba 283)